CHINA- Giawhag sa gobyerno sa China ang mga lungsuranon nga anaa sa Israel nga mobiya dayon sa nasud.
Mao kini ang gipagawas nga pahayag sa embahada sa China nga nakabasi sa Israel nga nag-ingon nga ang mga lungsuranon sa China kinahanglan nga mobiya sa labing dali nga panahon tungod sa kahadlok nga ang mga epekto sa giyera tali sa Israeli Defense Forces ug Hezbollah nga nakabasi sa Lebanon, nga gisuportahan usab sa Iran.
Sumala sa China, ang sitwasyon sa utlanan tali sa Israel ug Lebanon nagpabilin nga seryoso, komplikado, ug dili matag-an, nga mahimong makaapekto sa kaluwasan sa mga tawo nga nagpuyo sa duha ka mga nasud.
Gipasidan-an sa gobyerno sa China ang mga lungsuranon niini nga mobalik sa China o moadto sa ubang mas luwas nga mga lugar sa labing dali nga panahon.
Ingon man nga sa miaging mga buwan usab kay giawhag sa China ang mga lungsuranon niini sa Lebanon nga mobiya sa nasud, pagkahuman sa sunod-sunod nga mga Israeli strike nga gilunsad sa daghang bahin sa Lebanon.
