Nakabangon ang China gikan sa 11 puntos nga biya aron pildihon ang Chinese Taipei sa iskor nga 100-93 sa FIBA World Cup Asian Qualifiers nga gipahigayon sa Pilipinas.
Kini ang ikaduhang sunod-sunod nga kadaugan sa China sa ikaduhang window human nila mapildi ang Japan, ug miuswag sa 2-2 nga standing, samtang ang Chinese Taipei nahagbong sa 1-3.
Si Zhu Junlong ang nangulo sa Chinese team nga adunay 19 puntos, samtang si Hu Jinqiu midugang og 15 puntos ug 6 ka rebounds. Si Zhao Jiewei nakapuntos usab og 13 puntos.
Samtang nausik ang 26 puntos ni Ray Chen ug ang 19 puntos ug 11 ka rebounds ni Brandon Gilbeck.
Sa dula, ang Chinese Taipei adunay 11 puntos nga labaw sa ikatulong quarter, apan ang China hinayhinay nga nakaapas ug nakatabla sa dula sa 91-all human si Zhao Jiewei nakahimo og usa ka importanteng 3-pointer shot sa katapusang tulo ka minuto sa dula.
Sa katapusan, duha ka free-throws ang naghatag sa China sa labaw sa wala pa hingpit nga naselyohan ang kadaugan sa charity line.
