CEBU CITY — Misugyot ang usa ka political analyst nga mas maayong i-persona non grata ang Chinese Ambassador sa Pilipinas nga si Huang Xilian gumikan lang sa ilegal nga pag-angkla sa ilang mga barko sulod sa exclusive economic zone sa Pilipinas.
Sa nahimong interview sa Bombo Radyo ngadto ni Prof. Clarita Carlos sa UP-Diliman, nagkanayon kini nga walay katungod ang China nga sayun-sayunon ang pagpanghilabot sa unsa man ang anaa sulod sa teritoryo sa Pilipinas, ug sa soberanya niini.
Nakita ni Carlos nga dakong bentaha alang sa Pilipinas ang West Philippine Sea gumikan sa mga natural resources sama lang sa lana ug isda.
Dugang pa nga sugyot sa maong political analyst nga mas maayong pabalikon na lang sa nasud ang kasamtangang Philippine Ambassador to Beijing nga si Chito Sta. Romana gumikan sa giingong pagbinastos sa China ngadto sa teritoryo sa Pilipinas.
Kinahanglan, matud pa, nga mosunod sa mga international laws ang China sama lang sa UNCLOS aron magpabilin sila nga myembro sa international committee.
