CEBU CITY-Gisumiter na sa konseho sa kagamhanang dakbayan sa Sugbo ang Resolution nga girekomendar sa Cebu City Disaster Council kabahin sa pagdeklarar sa Barangay Pulangbato sa bukirang barangay ubos sa State of Emergency tungod sa kahimtang niini sa wala kahumanang konstruksyon sa Sitio Candarong.
Kun diin ang Resolution No. 22 sa Cebu City Disaster Risk Reduction and Management Council (CCDRRMC) kay naaprobahan na niadtong panangpulong nila sa nakalabayng Biyernes, Abril 25, 2025.
Ang maong resolusyon kay nasumiter na sa buhatan ni Cebu City Councilor Joel Garganera, kinsa maoy Chairman sa Committee on Disaster Risk Managemet sa Sangguniang Panlungsod sa kagamhanang dakbayan nga usa sa mga paagi aron mapatuman ang sugyot sa kamandoan.
Ang dugang aksyon kabahin sa resolusyon kay pagatukion sa umaabot regular session sa konseho sa umaabot Miyerkules, Abril 30.
Naglatid ang resolusyon sa paggahin og pundo para sa necessary interventions sa hingpit nga pag-aksyon kay ikuha gikan sa local disaster funds.
Ipatuman kini sa lagda sa Emergency Procurement Guidelines nga nagsiguro sa transparency ug accountability.
Kahinumduman nga ang kontruksyon sa maong taytayan kay nabalda tungod sa kalangay sa kontraktor nga SBD Builders tungod sa kadaot nga nahiaguman niini niadtong paghaguro sa Bagyong Odetter pag Disyembre 2021 ug Tropical Depression Agation pag Abril 2022.
