DENMARK-Gidakop ang Climate activist nga si Greta Thunberg ug daghan pa human gi-okupar ang usa ka building sa Unibersidad sa Copenhagen aron manawagan alang sa usa ka akademikong boycott sa mga unibersidad sa Israel.
Si Thunberg mismo ang mipaambit sa mga hulagway sa Instagram sa riot police nga misulod sa usa ka building diin ang grupong “Students against the Occupation” nagpahigayon og protesta.
Dugang pa niini nga ang tulo kanila kay gisuspetsahan nga nagpugos sa ilang pagsulod sa bilding ug gibabagan ang entrada.
Ang mga pro-Palestinian nga nagprotesta kay nagtukod og mga kampo sa mga unibersidad sa palibot sa Estados Unidos ug Europe sukad sa miaging tingpamulak aron sa pagprotesta batok sa pagpamomba sa Israel sa Gaza ug pag-okupar sa mga teritoryo sa Palestinian.
