Wala kapugngi ni Artemis II Landing and Recovery Director Lili Villarreal nga mahimong emosyonal sa malampusong pag-splashdown sa nahibiling Artemis II capsule sa San Diego, California.
Si Villareal usa ka Colombian immigrant nga nangulo sa pag-landing (splashdown) sa nahibiling Artemis II capsule nga nagdala sa upat ka astronaut nga malampusong mibiyahe paingon sa buwan.
Sa usa ka interbyu sa National Aeronautics and Space Administration (NASA), gipaambit ni Villareal ang iyang kalipay sa kalampusan sa misyon gikan sa pagsugod niini hangtod sa malampusong pagbalik sa Yuta.
Dugang pa niini nga usa ka bililhon nga kasinatian ang pagka-una nga nakakita sa mga astronaut nga nagsunod sa ilang malampusong misyon ug pagsiguro nga hapsay ang pag-landing, pagkuha sa mga astronaut, ug ang recovery sa capsule.
Nahinumdom usab si Villareal kung giunsa siya nakasulod sa NASA bisan pa usa ka imigrante gikan sa Colombia.
