Gibasura sa Commission on Elections En Banc ang petisyon nga ablihan og balik ang mga ballot boxes nga gigamit sa 2023 elections.
Unang gisang-at ang apelasyon sa gitawag nga trio nga gilangkoban nila ni kanhi Information and Communications Technology Secretary Eliseo Rio, kanhi Elections Commissioner Gus Lagman, ug kanhi Finance Executives Institute president Franklin Ysaac.
Nikompirmar si Comelec Chairperson George Garcia nga ang mosyon sa tulo diin ilang gihangyo nga manual ang paglakip sa pipila ka mga balota ilabi na kadtong gigamit sa Sto. Tomas, Batangas kay gi-dismiss sa En Banc.
Matod niya ang rason sa pagbasura sa petisyon tungod kay ang tulo misang-at sa petisyon aron ideklarar nga pakyas ang eleksyon sa tibuok Pilipinas.
Dugang niya sukwahi kini sa ilang gipangayo nga remedyo sa pag-ihap sa mga balota.
Gawas niini, gipasabot usab ni Garcia nga adunay nagpadayon nga protesta sa Sto Tomas kalabot sa posisyon sa mayor sa dakbayan kalabot sa maong butang hinungdan nga dili nila makuha ang mga balota sa lugar tungod sa protective custody order.
