CEBU CITY — Niabot na sa 869 ang total nga ihap sa mga kumpirmadong kaso sa coronavirus disease o COVID-19 human nga napun-an og laing 233 ka mga bag-ong kaso.
Sa latest report gikan sa Department of Health (DOH)-7, nag-una ang dakbayan sa Sugbo ang labing taas nga kaso sa coronavirus disease diin anaa na karon sa 758.
Kini human nga nadugangan og laing 75 ka mga bag-ong kaso kinsang gi-isolate ug 128 usab gikan sa Cebu City Jail.
Samtang anaa sa 35 ang cases sa Lapu-Lapu City human nadugangan og usa; ug 25 gikan sa Mandaue City human napun-an og walo.
Samtang nadugangan og laing upat ka mga kaso sa coronavirus sa lalawigan sa Sugbo ug niabot na ang mga nagpositibo sa 29 ka mga pasyente.
Sa laing bahin, tulo na ka mga health workers ang nagpositibo sa COVID-19 ug nagpaalim karon sa quarantine sites ang 14 ka mga repatriates gikan sa kaulohan.
Sa laing bahin, patay ang usa ka 58 anyos nga lalaking pasyente gikan sa lalawigan sa Sugbo maong anaa na sa 13 ang ihap sa mga namatay tungod sa COVID-19.
