Gipaulanan og bala ang usa ka Sports Utility Vehicle (SUV) nga nagsubay sa dalan Sacris Road, Barangay Bakilid sa dakbayan sa Mandaue kaganihang buntag pasado alas 6 karong adlaw sa Huwebes, Disyembre 11, 2025.
Sa inisyal nga kasayuran sa mga kapulisan, giila ang biktima nga si Duke Ramil Perral Lincuna, nga usa ka CPA-Lawyer diin gideklarar dayon kining dead-on-arrival sa tambalanan human nakahiagom og samad-pinusilan mahitungod sa maong panghitabo.
Ang maong SUV naghupot sa plate number nga “GEB 3001”, adunay kolor nga itom ug make and model nga “Isuzu Sportivo.”
Sumala sa Mandaue City Police Office, nakarekober sila og daghang mga kabhang sa bala sa lugar nga nahitaboan.
Ang mga tig-atake, nga gikataho nga nagmotorsiklo, dali nga miikyas ug nagpabilin nga gawasnon.
Padayong gisusi sa mga kapulisan sa dakbayan sa Mandaue ang motibo ug uban detalye sa krimen tungod kay ang mismong dapit minus og tawo nga nakasaksi atol sa pagpamusil.
