Naglatid og usa ka Traffic Plan ang City of Talisay – Traffic Operations and Development Authority (CT-TODA) alang karong Semana Santa.
Kini human sa gipahigayong panagtigom sa CT-TODA sa mga kadagkuan niini aron hisgutan ang traffic plan sa dakbayan sa Talisay ilabi na sa mga umaabot nga kalihokan sa mga simbahan nga makamugna og kahuot sa mga kadalanan.
Ang mga Area Supervisors maoy nangulo sa paglatid sa maong traffic plan diin ilang gituki ang tukmang pag-ila sa mga lugar nga posibleng mamahimong traffic-prone areas nga adtoan sa publiko karong kwaresma.
Gisiguro nila na mahatagan og giya ang mga motorista sa mga alternatibong routa aron hapsay ang dagan sa trapiko.
Subling gipahimangnoan sa CT-TODA ang publiko nga ugali-ong mag-check sa mga traffic advisory aron maplano og tarong ang byahe sulod sa mga kadalanan sa dakbayan sa Talisay.
Gani ang buhatan kay nakig-coordinate na sa mga kapulisan ug ubang force multipliers aron masiguro ang malinawon ug organisadong dagan sa trapiko karong Semana Santa.
