Gisaaran ang Dakbayan sa Mandaue ngadto sa kagamhanan sa Probinsya sa Sugbo, nga tabangan sila sa pagpatukod og dugang nga 4-ka two-story building nga tunghaan.
Matud ni Mandaue City Councilor Joel Seno, mapasalamaton sila sa kagamhanan sa Probisya sa Sugbo, gumikan kay tabangan sila sa pag-alokar og pundo alang sa dugang nga pagpatukod og classrooms sa dakbayan sa Mandaue.
Tumong niini nga lakang mao ang pagsulbad sa padayong problema sa kagamhanan sa Mandaue nga pagkakuwang sa mga classrooms nga usa sa mga rason nga gisagubang sa mga magtutungha sa dakbayan.
Nagpasalamat usab si Konsehal Joel Seno ni Gov. Pamela Baricuatro sa paghatag og opurtonidad sa mga Mandauehanon nga makabaton og dugang nga classrooms.
Dugang usab nga gipasalatan ni Seno sila si Board Member Atty. Nilo Seno, og B.M Malcom Sanchez, nga maoy nangusog aron magahinan ang maong proyekto og pundo.
Sa pikas bahin, magdepende pa usab sa rekomendasyon sa buhatan sa Department of Educaton kung asa nila tukoron ang mga classrooms aron sutaon kung luwas na kini para sa mga bata.
