Gilauman nga hangtud ugmang adlawa ang masinati nga pag-ulan sa dakbayan sa Sugbo, diin dunay tyansa nga moresulta sa pagsaka sa tubig baha tungod sa pagbunok sa uwan.
Mao kini ang gipaambit ni Engr. Oscar Tabasa, former Meteorologist, hinuon dili kini susama sa Super Typhoon Nando nga nagbilin og grabeng kadaot kadaot sa Northern Luzon.
Dugang pa niini nga ang pagluwat usab og sea travel advisory sa Philippine Coast Guard District Central Visayas kay maayo nga lakang aron mapahimangnoan ang adunay plano nga molawig particular na ang paingon sa Samar area sama sa Leyte, Masbate, ingon man ang paingon sa Camotes.
Busa, nipahimangno kini sa mga Sugboanon nga magmatngon ug magpabiling alerto bisan pa nga dili kini direktang moigo sa Sugbo.
Gawas sa uwan kay makasinati usab og hangin ang dakbayan hinungdan nga kinahanglan nga mangandam ug mosunod ang
Samtang, naka-blue alert status ang office of Civil Defense Region 7 alang sa pag-igo sa Opong sa pipila ka mga dapit sa norte nga bahin sa Sugbo.
Atol sa pakighinabi sa Bombo Radyo Cebu kang Joel Erestain, Regional Director sa OCD 7 gipaambit usab niini nga naka blue alert ang buhatan gumikan sa Kanlaon busa 24/7 ang ilang pagbantay sa lihok sa bagyo, hilabi na nga paspas ang pag-agi sa Opong.
Busa, nakig-alayon na kini sa nagkandaiyang mga local government units sa Sugbo lakip na ang probinsya sa Bohol.
Ingon man nga aduna nay mga tunghaan nga gisuspenso ang mga klase gumikan sa bati nga lakat sa panahon.
