-- ADVERTISEMENT --

LIMAY, BATAAN-Nipadala ang Department of Environment and Natural Resources (DENR) og survey vessel aron motabang sa pagpangita sa nalunod nga Terra Nova, usa ka motor tanker sa baybayon sa Limay, Bataan.

Matod ni Environment Secretary Maria Antonia Yulo Loyzaga, importante nga mahibaw-an ang eksaktong lokasyon ug kondisyon sa barko aron masuta ang posibleng pagkatap sa lana ug malikayan ang kadaot sa kinaiyahan.

Ang BRP Hydrographer Presbitero, nga gipanag-iya sa National Mapping and Resource Information Authority (NAMRIA) maoy gamiton sa pagsurbi sa dapit diin nalunod ang Terra Nova.

Nipadayag usab si Loyzaga og suporta sa mga lakang nga gihimo sa Philippine Coast Guard ug sa lokal nga kagamhanan sa Limay.

Dugang ni Loyzaya, andam ang DENR nga motabang sa pagtino sa posibleng epekto sa insidente ug malikayan ang dugang kadaot sa kinaiyahan.

-- ADVERTISEMENT --

Sa laing bahin, nakig-alayon na usab ang DENR sa UP Marine Science Institute (MSI) aron makahimo og modelo nga makatabang sa pagtino sa posibleng pagkatap sa lana gikan sa barko.