Department of Agriculture, nag-awhag sa publiko nga ireport ang mga negosyante nga wala nagpatuman sa SRP

Giawhag sa Department of Agriculture (DA) ang publiko nga ireport kanila ang mga merkado nga wala nagsunod sa suggested retail prices (SRP) nga ilang gipatuman para sa mga sibuyas, carrots ug baboy.

Sumala ni DA Sec. Francisco Tiu Laurel, atol sa ilang paglibot sa pipila ka mga merkado sa Quezon City, ilang nakita nga kadaghanan kanila nagsunod sa gipatuman nga SRP.

Ang presyo sa isda nagpabilin nga mas taas kaysa sa manok apan adunay pipila ka isda nga mas ubos ang presyo.

Gipasalig sa DA nga ilang ipahamtang ang mga silot sa mga molapas sa gipatuman nga SRP.