CEBU – Target sa Department of Social Welfare and Development sa Central Visayas (DSWD-7) nga maapod-apod ang educational assistance ngadto sa mga 5,000 ka mga tinun-an sa rehiyon atol sa katapusang adlaw sa payout alang sa cash aid karung adlawa Sabado, Sept. 24, 2022.
Kini ang gibutyag ni DSWD-7 director Shalaine Lucero nga 39,000 ang ilang kinatibuk-ang target nga educational assistance beneficiaries sa Central Visayas.
Dugang pa, nga aron ma-accommodate kadtong mga benepisyaryo nga napakyas sa pagdawat sa ilang cash aid atol sa ilang gitakdang payout sa milabay nga mga Sabado, ang DSWD-7 nakahukom sa pagpahigayon sa weekday payout sugod sa Sept. 21 hangtod sa Biyernes, Sept. 23.
Saysay pa ni Lucero nga ang mag depende ang resulta sa ilang payout karong adlawa, apan andam usab silang mopahigayon og laing weekday payout sunod semana.
Hinuon giklaro sa ahensya nga wala gihapon sila mag-entertain sa mga walk-in applicants alang sa maong programa.
