Mipaabot ang pamunuan sa Department of Foreign Affairs sa ilang pahasubo sa mga nagbangutan nga pamilya sa pipila ka mga Pilipino nga namatay sa trahedya nga nahitabo sa usa ka community street festival sa Vancouver, Canada.
Atol sa pagsaulog sa Lapu Lapu Day Block Party daghang tawo ang misalmot ug sa dihang kalit nga midasmag ang usa ka sasakyanan sa panon ug mikalas og labing menos 11 ka kinabuhi.
Samtang, nahatod na sa ahensya pinaagi sa pakigtambayayong sa Philippine Consulate General sa Vancouver, ang gikinahanglang tabang sa mga pamilyang namatyan.
Ang DFA padayon usab nga nakig-alayon sa mga awtoridad sa Canada aron masiguro ang saktong suporta sa tanang Filipino community nga anaa sa lugar.
Sa pagkakaron anaa na sa kustodiya sa mga otoridad ang suspek nga 30 anyos nga lalaki.
