Mipagawas sa balor nga P460,000 nga financial assistance ang buhatan sa Department of Migrant Workers – Central Visayas (DMW-7) sa mga Overseas Filipino Workers (OFWs) ug sa ilang pamilya nga nagpuyo sa dakbayan sa Mandaue.
Gihatod ang maong pagpagawas sa pinansyal nga ayuda niadtong Lunes, Agosto 4 ngadto sa Mandaue City Hall diin adunay P350,000 ang nahatag sa lima (5) ka mga OFWs ug sa ilang mga Next-Of-Kin (NOKs) ubos sa Agarang Kalinga at Saklolo Para sa mga OFWs na Nangangailangan (AKSYON ) Fund.
Samtang kaing P110,000 ang gipagawas ubos sa Livelihood Program for OFW Reintegration (LPOR) diin 11 ka mga OFWs ang nakapanghimulos.
Tanang mga benepisyaryo kay mga rehistradong residente sa dakbayan nga mainiton gihangop sa buhatan ni Mandaue City Mayor Thadeo Jovito “Jonkie” Ouano ang pagbisita sa mga representantes sa DMW-7 sa City Hall nga gipangulohan ni Regional Director Jhoaden “Jao” G. Lucero ug mga Division Chiefs niini.
Nahimo sab nga higayon sa DMW-7 ang maong panagtigum sa paghisgut nila sa ilang programa ug serbisyo aron masuta ang mga areas of engagement sa dakbayan sa Mandaue sa ilang mga OFWs ug mga pamilya.
