Gibasura sa Department of Justice ang mga kasong cyberlibel nga gisang-at ni Former Governor Gwendolyn Garcia batok sa iyang karibal sa politika, ang kasamtangang gobernadora nga si Pamela Baricuatro tungod sa kakulang sa probable cause.
Gibasura sa mga imbestigador gikan sa Department of Justice ang petisyon ni Garcia alang sa pagrepaso nga nagtinguha nga balihon ang ilang desisyon niadtong Hunyo 2025 nga ibasura ang duha ka ihap sa cyberlibel nga iyang gisang-at batok kang Baricuatro.
Sa usa ka resolusyon nga gipetsahan og Marso 6, 2026, gi-deny sa DOJ ang iyang hangyo tungod sa kakulang sa probable cause.
Ang 11 ka panid nga dokumento, nga gihatag sa mga miyembro sa media niadtong Martes, Marso 17, gipirmahan ni Justice Secretary Fredderick Vida.
Gawas sa legal nga merito, ang petisyon nag-atubang og mga isyu sa proseso, lakip ang kapakyasan sa pagpamatuod nga kini gisang-at sulod sa mandatory 15 ka adlaw nga prescriptive period ug internal inconsistencies bahin sa pinuy-anan sa gobernador, gipunting sa DOJ.
