Nipahimangno ang Department of Justice (DOJ) sa mga langyaw nga padayong nagtrabaho sa mga kompanya sa Philippine Offshore Gaming Operations (POGO) nga mo-surrender sa mga awtoridad kung dili sila gustong ma-blacklist sa Bureau of Immigration (BI).
Sa datus sa BI, aduna pa’y labing minos 11,000 ka Chinese nationals ang gipangita sa mga otoridad tungod kay wala motunga sa deadline sa ahensya sa ilang paglarga niadtong Disyembre 31 sa miaging tuig.
Diin apil sila sa gipasidan-an sa DOJ tungod kay napakyas sila sa pag-downgrade sa ilang mga visa ug nagpabilin sa nasud human ma-expire ang mga visa nga ilang gihuptan.
Matod ni Justice Secretary Jesus Crispin Remulla, kining mga inisyatiba sa DOJ kabahin gihapon sa mando ni Presidente Ferdinand Marcos Jr. nga ‘total ban’ sa operasyon sa POGO sa nasud.
Samtang nagpadayon ang manhunt operations sa BI sa mga gikonsiderar karon sa DOJ nga ‘illegal aliens’.
