CENTRAL VISAYAS-Gisugdan na ang unang hugna sa lima ka public hearing sa Regional Tripartite Wages and Productivity Board – Central Visayas (RTWPB-7) kalabot sa pagtuon sa pag-umento sa minimum nga suholan sa Central Visayas diin ang maong pagdungog supak sa nagkalain-laing sumbanan.
Usab, ang P150 nga usbaw gipangayo sa mga grupo sa mga trabahante sumala sa nasangpit nga public hearing.
Kini subay sa pagtulon-an nga dili paigo ang suholan karon aron mabuhi ang usa ka pamilya busa kinahanglan nga doblehon kini sa “livable wage”.
Sa datus sa IBON Foundation, P1,288 ang livable wage sa usa ka pamilya sa lima ka indibidwal sa Central Visayas apan ang kasamtangang minimum wage mobalor lang og P468 nga gibana-bana nga P820 ang gintang sa Class A Non-Agriculture sector.
Apan gisupak sa sektor sa amo ang usbaw sa suholan samtang nagpadayon sila sa pagbangon gikan sa pandemya ug Bagyong Odette.
Matud ni Lilia Estillore, ang regional director sa DOLE-7, niingon nga kinahanglan pa nilang susihon ang sentimento sa tanang partido sa dili pa sila makahimo og desisyon.
