Nagpagawas og guidelines ang Department of Labor and Employment (DOLE) alang sa saktong suholan karong Pebrero 25, nga gideklarar nga special working holiday.
Kini dungan sa paghandum sa ika-39 nga anibersaryo sa makasaysayanong EDSA People Power revolution.
Sa labor advisory nga gipirmahan ni Labor Secretary Bienvenido Laguesma diin gipahayag niini nga ang adlaw kinahanglang isipon nga “ordinary working day” alang sa pagbayad sa suholan ug wage-related benefits.
Kung ang usa ka empleyado dili motrabaho sa maong adlaw, applicable niini ang ‘no work, no pay’ principle gawas kung adunay usa ka polisiya sa kompanya, praktis o collective bargaining agreement alang sa paghatag sa sweldo o suhol sa espesyal nga adlaw sa pagtrabaho.
Alang sa mga empleyado nga nagtrabaho sa usa ka espesyal nga adlaw sa pagtrabaho, ang amo kinahanglan nga mobayad og 100% sa suweldo sa empleyado sa maong adlaw sa unang 8 ka oras.
Kung ang trabaho molapas sa 8 ka oras, ang amo kinahanglan nga mobayad sa empleyado og dugang nga 25% sa iyang hourly rate.
