Nagplano ang buhatan sa Department of Tourism sa pag-focus sa pagdani sa daghang mga turista gikan sa India.
Sa pagpausbaw sa turismo sa Pilipinas, gusto sa ahensya nga hatagan og igong pagtagad ang mga Indian national nga mopili sa pagbisita sa nasud.
Diin, mismong si Secretary Christina Garcia-Frasco sa Department of Tourism ang mipaambit, nga dyutay ra ang resulta ug performance sa nasod kon itandi sa gidaghanon sa mga turista gikan sa India.
Iyang gipasabot nga sa kapin 5 milyones ka Indian nga mga biyahedor ngadto sa mga nasud nga sakop sa Association of Southeast Asian Nations, 79,000 lang ang mibisita sa Pilipinas.
Tungod niini, kusganong gipasiugda sa ahensya ang liberalisasyon sa VISA, ilabi na alang sa ilang gipunting nga Indian market nga mosulod sa nasud.
Busa gipaambit sa maong kalihim nga nagpaabot usab sila og tabang gikan sa mga direktiba sa Presidente.
