CENTRAL VISAYAS-Mipasaka og kaso ang Department of Social Welfare and Development, batok sa Simplyshare Foundation Inc. kini gi-ingung mahitungod sa dili utorisadong solicitation sa kwarta ug mga relief goods, kung diin gi-ingung nakalapas sa Presidential Decree 1564 or the Solicitation Permit Law.
Ang DSWD-7 mipasaka sa kaso kagahapon adlawa, Martes, Abril 8, 2025 ngadto sa Cebu City Prosecutor’s Office batok kang Pamela S. Baricuarto ug Elisse Nicole B. Catalan, isip founder ug executive director sa naasoyng organisasyon.
Matud pa ni DSWD Region 7 Director Shalaine Marie Lucero, kansang maoy nangulo sa reklamo, nga magsilbi unta ning pahimangnu sa mga social welfare and development agencies nga dili mo himo og solicitations sa publiko hilabi na og wala kini permit.
Giawhag usab ni Lucero, ang publiko nga susihon usa ang Kaagapay Donations Portal sa DSWD, kung ang napili nga organisasyon lehitimo ba ug adunay permit sa pag-solicit.
Samtang sa pikas bahin, ni dugang usab si DSWD Director Megan Manahan, nga nakadawat kini og report nga ang SimplyShare Foundation Inc. dugay na nga nagpahigayun og solicitation sa publiko bisan pa man nga wla kini permit.
