Andam ang Department of Trade and Industry (DTI) sa pagtabang ug pagbawi sa mga lokal nga negosyo nga naapektuhan sa pagkusokuso sa bagyong Kristine.
Kini ang pasalig sa ahensya isip tubag sa direktiba ni Presidente Ferdinand Marcos Jr.
Kalabot niini, gipasiugda ni DTI Acting Secretary Cristina Roque ang pasalig sa ahensya nga suportahan ang recovery efforts sa mga apektadong negosyo, ilabina ang mga gagmay nga negosyo o ang gitawag nga micro, small and medium enterprises (MSMEs).
Aktibo usab nga nakigsulti ang ahensya sa mga kasosyo niini sa pribadong sektor lakip na ang mga asosasyon sa industriya aron mapalihok ang mga kapanguhaan ug mahatagan dayon nga tabang alang sa mga apektadong negosyo.
Gawas niini, gideklarar usab ang price freeze sa mga essential goods alang sa mga lugar nga ubos sa state of calamity.
Samtang, giawhag ang mga apektadong negosyo nga mokontak sa pinakaduol nga Negosyo Centers o DTI regional offices alang sa tabang.
