Patay ang duha ka tripulante sa Liberian-flaged, Greek-operated bulk carrier Eternity C samtang duha usab ang giingong naangol sa drone ug speedboat attack sa Yemen.
Mao kini ang gipaambit sa delegasyon sa shipping sa Liberia atol sa meeting sa International Maritime Organization.
Ang pag-atake sa Eternity C, 50 nautical miles sa habagatan-kasadpan sa Yemeni port sa Hodeidah, mao ang ikaduha sa mga barko sa negosyo sa rehiyon sukad Nobyembre 2024, sumala sa usa ka opisyal sa European Union’s Operation Aspides, nga gi-assign sa pagtabang sa pagpanalipod sa Red Sea shipping.
Nasayran, oras sa wala pa ang pag-atake, ang militanteng grupo sa Houthi kay giangkon nga maoy responsabli sa pag-atake.
Ang Eternity C, nga adunay 22 ka tripulante – 21 ka Filipino ug usa ka Russian, giatake gamit ang mga sea drone ug mga rocket-propelled grenade nga gipabuto gikan sa manned speedboat, ang mga tinubdan.
