CEBU – Ipakatap ang dul-an sa 2,000 ka personnel gikan sa nagkalain-laing ahensya sa gobyerno,sa nagkadaiyang dapit sa Central Visayas aron masiguro ang kalinaw ug kahapsay atol sa pagpahigayon nasyonal ug lokal nga piniliay sa Mayo 9.
Gipangunahan ang ceremonial send-off sa Police Regional Office(PRO-7),sa Filinvest grounds sa South Road Properties (SRP),karung adlawa Miyerkules, Mayo 4,2022.
Naggikan ang augmentation forces sa mga sakup sa Philippine National Police (PNP), Philippine Coast Guard (PCG), Armed Forces of the Philippines (AFP), ug Bureau of Fire Protection (BFP).
Nipasalig sa publiko si Police Brig. Gen. Roque Eduardo Vega, ang PRO-7 director,sa iyang speech, nga malinawon ug hapsay ang eleksyon sa Central Visayas, ingon man ang mga adlaw paingon sa canvassing ug proklamasyon sa mga mananaog.
Adunay giila ang kagamhanan nga sa labing menos 63 ka mga dapit sa Central Visayas nga mahimong ma-tag nga ‘election hotspots,Bisan tuod walay opisyal nga listahan nga gipagawas.
Giila ang mga hotspot sa eleksyon,sa Election Watchlist Areas (ERAs), ang termino nga gigamit sa pagtumong sa mga lokalidad diin kanunay mahitabo ang grabeng panag-indigay sa politika ug kapintasan nga may kalabotan sa eleksyon.
Sa pikas kabahin ang probinsya sa Sugbo nga adunay pinakadaghang boto, wala pay EWA nga gideklarar sa pagkakaron,ug ang Comelec mingalan og labing menos pito ka ‘area of concern’ nga kinahanglang bantayan pag-ayo ug hatagan og dugang mga tigpatuman sa balaod tungod sa ilang kasaysayan sa kapintasan nga may kalabotan sa eleksyon ug geographical nga lokasyon.
