INDIA-Dul-an sa 40 na ka mga tawo ang namatay sa stampede sa Kumbh Mela festival sa India.
Diin labing menos 60 ka mga tawo ang nasamdan sa maong insidente.
Matud sa mga opisyal nga labing menos 100 milyong mga tawo ang mitambong ug naligo sa Hindu nga relihiyosong festival ug giisip giisip nga pinakadako ug labing malinawon nga panghitabo matag tuig.
Sa inisyal nga imbestigasyon sa mga otoridad nasayran nga adunay mga tawo nga niguba sa gikordon sa mga kapulisan aron maligo sa suba.
Sulod lang sa unom ka semana, moabot sa 400 milyon ka mga tawo ang mitambong sa Maha Kumbh Mela o festival sa Sacred Pitchers sa gawas sa Prayagraj.
Ingon man nga gihimakak sa kapolisan nga napakyas sila sa paghatag og seguridad tungod kay nagbutang usab sila og mga security camera sa lugar.
Nagpahayag na og pahasubo si Indian Prime Minister Narendra Modi sa mga pamilya sa namatay nga biktima.
