CENTRAL VISAYAS-Gipadalhan sa Land Transportation Franchising and Regulatory Board (LTFRB) 7 og show cause orders (SCOs) ang anaa sa 28 ka mga drayber ug operator sa mga tradisyunal nga public utility jeepneys (TPUJs) nga napakyas sa pagkonsolida human sa Abril 30, 2024 nga deadline.
Sa pakighinabi sa Bombo Radyo Cebu Newsteam kang LTFRB 7 Director Eduardo Montealto Jr., gipahibalo niini nga pipila sa mga show cause orders ang dili ma-deliver tungod kay posibleng nag-ilis og address ang gitumong nga makadawat.
Kung diin, anaa sa 660 ang kinahanglan nga isyu-hang mga drayber ug operator sa tibuok Central Visayas og 26 niini anaa sa Probinsiya sa Sugbo.
Dugang pa, nga kadtong nakadawat og Show Cause Order mahimong mobisita sa buhatan sa Land Transportation Office (LTO) 7 sa dakbayan sa Sugbo ug mopasabot nganong nipili sila nga dili moapil sa bisan unsang existing nga transport cooperative o korporasyon, nga usa ka component sa Public Utility Vehicle Modernization Program (PUVMP) sa National Government.
