Mahimo gihapong manumpa sa katungdanan si kanhi Presidente Rodrigo Duterte sa iyang bag-ong tahas isip Mayor-elect sa Davao City bisan og gipriso siya sa International Criminal Court (ICC).
Kini ang gitug-an ni Senate President Francis “Chiz” Escudero atol sa press conference diin nagkanayon nga pinaagi sa Philippine consular office sa The Hague, Netherlands, mahimo siyang manumpa isip mayor.
Dugang pa, kay dili pa man makauli ang kanhi presidente, ang mopuli kaniya mao ang iyang anak nga si Vice Mayor-elect Baste Duterte.
Giinsister ni Escudero nga katungod ni Duterte sumala sa lagda sa The Hague ug adunay proseso sa maong mga sitwasyon.
Wa magtuo si Escudero nga dunay gahom ang International Criminal Court nga i-disqualify si Duterte nga makahupot og bisan unsang posisyon sa gobyerno, bisan pa kon mapamatud-an nga sad-an.
Gipasabot sa senador nga bisan kon makonbikto si Duterte, dili automatic ang absolute perpetual disqualification tungod kay magamit lang kini sa pipila ka mga kaso ug ang ICC dili sakop sa hurisdiksyon sa mga korte sa nasod.(Bombo Irene Ardiente)
