Gi-activate sa Philippine Embassy sa Tel-Aviv, Israel ang crisis management team niini aron matubag dayon ug masusi ang sitwasyon sa mga Pilipino didto taliwala sa padayong pagbinayloay sa mga pag-atake tali sa Israel ug Iran.
Personal nga nagtan-aw sa mga paningkamot sa pag-monitor sa sitwasyon on-ground si Philippine Ambassador to Israel Aileen Mendiola ug nakig-alayon usab sa mga awtoridad sa Israel ug Pilipinas aron masiguro ang tukma sa panahon nga pag-isyu sa mga alerto ug suporta sa mga Pilipino nga nanginahanglan didto.
Sa usa ka pakighinabi sa envoy, siya miingon nga ang Israel nagpadayon sa pag-intercept sa retaliatory missile strike sa Iran.
Gipaambit sa Ambassador nga sa Biyernes lamang, ang mga warning gipatingog 12 ka higayon sa Tel Aviv.
Sa laing bahin, ang prayoridad sa embahada mao ang kaluwasan ug kaayohan sa mga Pinoy sa Israel, hinungdan nga ang embahada nagpadayon sa pag-awhag sa Filipino community nga sundon ang security guidelines sa Israel Defense Force Home Front Command ingon man ang safety advisories gikan sa Embassy.
Ang Department of Foreign Affairs (DFA) una nang mitaho nga walay Pinoy nga naangol sukad sa Israel ug Iran nagbinayloay og air strike.
Sa pagkakaron, aduna pa’y 30,743 ka mga Pinoy sa Israel samtang 1,180 ang naa sa Iran, diin kadaghanan kanila minyo sa mga Iranian national.
