Nigahin ang gobyerno sa Estados Unidos og $250,000 o P13.8 milyones aron suportahan ang relief operations sa mga dapit sa Luzon nga grabeng naapektuhan sa sunodsunod nga mga bagyo ug habagat.
Ang maong pondo ihatag ngadto sa United Nations World Food Programme (WFP) pinaagi sa U.S. Department of State’s Bureau of Population, Refugees, and Migration.
Diin tumong niini nga mapadali ang paghatod sa pagkaon sa mga komunidad sa Metro Manila, Northern ug Central Luzon, ingon man sa Calabarzon nga grabeng naapektuhan sa grabeng pagbaha.
Matod ni US Ambassador MaryKay Carlson, hugot nilang gibantayan ang sitwasyon ug nakig-alayon sa gobyerno sa Pilipinas ug WFP aron masiguro nga maabot ang hinabang sa mga nanginahanglan.
Sa pinakaulahing report sa PAGASA, walay bagyo sulod sa Philippine area of responsibility apan padayon gihapon ang pag-ulan sa nasud partikular na sa Luzon tungod sa Southern Hemisphere.
