Gihimo sa Pilipinas ang paglamano isip paagi sa pagpakita og respeto ug pagsaludo sa mga gradwado, apan sa nasud sa China, imbes nga makiglamano, kumo ang gihatag sa usa ka graduate student sa usa ka magtutudlo.
Niani kini og nagkandaiyang komento ug reaksyon sa social media human nga mikatap ang video sa usa ka estudyante gikan sa Fudan University sa Zhengda Stadium, Shanghai, China diin gihimo ang graduation ceremony alang sa kapin 10,000 ka estudyante niadtong Hunyo 20, 2024.
Pag-abot sa degree conferral segment, adunay usa ka estudyante nga nipagawas sa iyang gitagoang kalagot ngadto sa professor.
Kini nga viral video nagpakita sa usa ka estudyante nga gisumbag ang usa sa mga professor nga ilang gilamano sa entablado, gibuak ang iyang antipara ug gitangtang ang iyang kalo.
Dakong kakurat sa mga mitambong sa seremonyas nga nakakita sa hitab, gani mikanaog dayon ang estudyante sa stage nga morag wala’y nahitabo.
