Mipadayag ang Association of Generals and Flag Officers (AGFO) og suporta sa baruganan sa gobyerno nga hingusgan ang soberanya nga katungod sa Pilipinas sa West Philippine Sea.
Diin ang nasangpit nga grupo nanawagan sa Armed Forces of the Philippines (AFP) nga protektahan usab ang ilang mga sundalo nga anaa sa frontline.
Basi sa gipagawas nga pahayag sa AGFO nga ilang gisuportahan ug gisaligan ang baruganan sa gobyerno nga iduso ang katungod sa soberanya sa West Phl Sea.
Sumala sa AGFO, ang mga aksyon sa China Coast Guard (CCG) ug China Maritime Militia (CMM) dili propesyonal ug usa ka escalatory nga paglapas sa mga protocol sa United Nations.
Ingon man nga gidayeg sa AGFO ang mga sundalo nga kabahin sa rotation and resupply mission sa BRP Sierra Madre niadtong Hunyo 17 sa Ayungin Shoal tungod sa ilang pagka propesyonal bisan pa sa agresibong aksyon sa China Coast Guard.
