Gokongwei Jr. mentor sa mga magpapatigayon sa Sugbo — Soco

CEBU CITY — Nasagmuyo si Cebu 3rd district Board member Glenn Socco sa kamatayon sa 3rd richest filipino nga si John Gokongwei Jr.

Gibutyag ni Soc, kinsang usa usab ka negosyante, nga nahimong usa ka haligi si Gokongwei sa natad sa pagpatigayon.

Matod sa board member nga nahinabi na niya kaniadto si Gokongwei atol sa awarding sa entrepreneur kung diin usa siya sa nakadawat ug award.

Nahinabi usab niya ang mga anak ni Gokongwei nga si Lance sa susama nga event.

Ang anak nga si Lance maoy nahimong ‘captain’ sa negosyo o nagdala sa tanang negosyo nga nabiyaan sa 93-anyos nga si Gokongwei Jr.

Dugang pa ni Socco nga lauman nga mas molambo ang mga kompanya sa Gokongwei ubos sa pagdala sa anak niini. (lq)