Gidawat sa Timor-Leste ang hangyo sa Pilipinas alang sa extradition ni kanhi Negros Oriental Rep. Arnolfo Teves.
Kini ang gikompirmar sa Department of Justice (DOJ) gahapong adlawa, Hunyo 27, 2024.
Ang attorney general sa Timor Leste nagpadala sa maong impormasyon ngadto sa buhatan sa DOJ.
Matud pa sa pamahayag sa DOJ nga “We have won”.
Nunot niining kalambuan sa extradition case ni Teves, ang Justice Department nipahibalo nga ilang gipaabot ang pag-abot sa kanhi magbabalaod sa nasod aron sa kataposan makaatubang na kini sa mga kaso batok kaniya sa lokal nga mga korte.
Kung mahinumdoman, si Teves ug uban pa nag-atubang og kasong murder kalabot sa pagpatay niadtong 2023 kang Negros Oriental Gov. Roel Degamo ug laing 9 sulod mismo sa balay sa Gobernador sa lungsod sa Pamplona.
