CEBU CITY-Adunay gituki nga pagtulan-an ang Sagguniang Panlungsod sa kagamhanang dakbayan sa Sugbo sa posibilidad nga madugangan ang honorarium nga madawat sa mga Barangay Health Workers (BHWs).
Gi-presentar kini sa konseho ni Cebu City Councilor Mary Ann Delos Santos atol sa regular session niini niadtong Septiyembre 4 pinaagi sa usa ka resolusyon nga nagtumong sa pagminus ug personal expenses sa mga kawani sa kalawasan sa matag barangay ingon man nga mapalambo ang mga resources niini.
Samtang si Councilor Jocelyn “Joy” Pesquera nisugyot sab ug usa ka mosyon sa pag-refer sa maong resolusyon sa Cebu City Treasurer’s Office alang sa pagtuki sa maong balaod.
Kasayran nga kadaghanan sa mga BHWs sa dakbayan mugasto sa ilang kaugalingong kwarta sa mga gamit sa ilang Barangay Health Centers ingon man sa uban pang gastuhanan nga may kalabutan sa ilang trabaho hinungdan sa tumong sa maong resolusyon.
