METRO MANILA-Giingong timailhan nga adunay dautang mahitabo sa ikatulong State of the Nation Address (SONA) ni Presidente Ferdinand “Bongbong” Marcos Jr. sa Hulyo 22 giingong seryosong butang nga angay imbestigahan.
Kini ang pahinumdom ni Senior Deputy Speaker ug Pampanga Rep. Aurelio “Dong” Gonzales Jr. ngadto kang Bise Presidente Sara Duterte kalabot sa iyang pamahayag nga iyang gitudlo ang iyang kaugalingon isip “designated survivor”.
Matud pa ni Gonzales nga wala kinahanglana sa mga Pilipino ang mga hulga sa kagubot ug pagbuto niini nga sitwasyon, nga makita sa serye sa Netflix diin ang tanang opisyal sa Estados Unidos, lakip ang Presidente, gipamatay sa tinuig nga deklarasyon sa estado sa nasud.
Ug usa sa mga gikahinumduman usab ni Gonzales ang gisulti ni VP Sara nga modagan pagka-senador ang iyang amahan nga si kanhi Presidente Rodrigo Duterte ug duha ka igsuon nga sila si Davao City Mayor Sebastian ug Congressman Paolo.
Gikataho usab nga mihimo og pamahayag ang Bise Presidente nga modagan siya pagka-mayor sa Davao City sa sunod eleksyon.
