Misaka na sa 76 ang ihap sa mga namatay gikan sa sunog nga milamoy sa usa ka hotel sa Kartalkaya ski resort sa lalawigan sa Bolu sa Turkey ug anaa na sa siyam ka mga indibidwal ang gidakup kalabot sa trahedya.
Mao kini ang gipahibalo ni Interior Minister Ali Yerlikaya dungan sa pag-anunsyo nga nahuman na nila ang search and rescue operations.
Gikasubo niini nga napun-an ang ihap sa mga nakabsan ug bisan paman nga nahuman na ang ilang rescue operation kay magpadayon gihapon sila sa pagimbistiga sa hinungdan sa maong sunog.
Miulbo ang sunog sa sayong mga oras niadtong Martes ug dali nga mikaylap sa 12 ka andana nga kahoy nga hotel ug sa ilang inisyal nga pagsusi kay nag-gikan ang sunog sa restaurant area sa ikaupat nga andana una pa niabot sa taas nga bahin.
Agi’g tubag sa insidente, ang Presidente sa Turkey nga si Recep Tayyip Erdogan kay gideklarar ang national day of mourning.
