Gihatagan og deadline ang usa ka ihawan sa Barangay Mantuyong, dakbayan sa Mandaue human kini nakamugna og grabeng kabaho.
Matud ni Atty. Salig-on Malig-on, Mandaue City Administrator nga taman nalang sila sa Oktubre 30 ning tuiga.
Gihimo ang lakang subay sa hangyo sa mga opisyales sa barangay kauban ang Veterinary Office aron mapaayo ug malimpyohan, ingon man mapahapsay ang situwasyon sa ilang nahimutangan sa barangay.
Una na usab nga nakigtabo ang kapitan sa Mantuyong nga si Julius Caesar Areopagita ngadto kang Mandaue City Mayor Jonkie Ouano aron hisgutan ang plano sa pagpatuman sa direktiba sa pagbalhin sa mga manglitsonay ug ang ilang baboyan sa naasoy nga barangay.
Ingon man nga ang Mandaue City Veterinarian kay padayon usab sa ilang koordinasyon tali sa barangay ug mga tag-iya sa baboyan aron maplantsa na ang ilang pagbalhin sa barangay Labogon.
