Giinsistir sa House prosecution panel nga dili kinahanglan nga sila mahimong neutral sa impeachment trial ni Bise Presidente Sara Duterte, human gikritika ni Sen. Robin Padilla ang pamatasan sa prosekusyon atol sa hearing nga “one-sided.”
Sumala sa lead prosecutor ug Batangas Rep. Gerville “Jinky Bitrics” Luistro, ang impeachment trial inherently “adversarial” diin katungdanan sa prosekusyon ang pagpamatuod sa mga akusasyon pinaagi sa ebidensya, samtang responsibilidad sa depensa ang pagdepensa sa respondent.
Matud niini nga katingad-an kung ang prosekusyon neutral o kung sila ang nagdepensa sa akusado.
Gipasiugda usab ni Luistro nga ang patas ug walay gidapigan nga gilauman sa mga senator-judges, tungod kay sila ang modesisyon basi sa ebidensya nga gipresentar sa duha ka habig.
Samtang, si Deputy Speaker ug Iloilo Rep. Janette Garin, kinsa nahimong prosecutor human gitino sa House nga ang impeachment complaint adunay igong basehan ug giaprobahan sa 257 ka mga kongresista sa wala pa gisumite ang Articles of Impeachment sa Senado.
Nangayo usab og pasaylo ang pribadong piskal nga si Lorna Kapunan kon ang reaksyon sa prosekusyon giisip nga walay pagtahod kang Sen. Padilla, ug miinsistir nga wala silay tuyo nga insultuhon ang senador.
