CEBU CITY- Misuway ug sibat sakay sa usa ka auto ang usa ka lalaki nga giilang si Edward Lago ang suspek sa pagdala og kinarton nga shabu nga motimbang ug 25 ka kilo sa gituohang sa Pier 4 sa dakbayan sa Sugbo mga alas 7 sa buntag Huwebes, Enero 23, 2025.
Nasikop ang giilang suspek nga si Edward sa PDEA 7 human nag pahigayun og inspection sa mga pantalan kauban ang ilahang K 9 dog unit nga si “Bayani”.
Sa wala pa nahitabo ang pagkasikop ning suspek, si Edward adunay planong mudagan sa pagpang inspection, hinungdan nga dali kining misakay sa auto nga gi drivan niini dala ang gidudahang shabu nga gisulod ug karton.
Daling gipahunong sa PDEA 7 ang maong suspek og dayung gi hiling ang mga butang niini ug sa dihang ang K9 Dog unit usab sa PDEA 7 nakapanimaho sa dili maayung baho sulod sa karton nga gibutang sa luyo nga bahin sa passenger seat sa auto.
Hinungdan, nga milingkod dayun ang K9 dog nga si “Bayani” sa karton og ang PDEA dali nga mihiling ngadtu sa karton ug nakita ang mga nuog nga gitabon sa maong shabu nga giputos og itom nga garbage bag sulod sa dako nga karton.
Samtang ang kuyug usab niining inahan nga si ‘Edna Lago’ usa ka senior citizen kuyug usab sa suspek niadtung higayuna nga nagsakay sa barko nga gikan pa sa Masbate.
Apan dali siyang mi kanaog sa barko og nagpaabot sa iyang anak nga makagawas sulod sa pier 4 sa maong pantalan dala ang auto niini.
Gikaingon nga lumulupyo ang mga suspek sa brgy Ermita ning dakbayan sa Sugbo.
Sa pagkakaron, padayun pa ang pag imbestiga sa kaso kung asa kini ihatud ang mga shabu nga kinilo.
Matud ni Regional Director Alex Tablate sa PDEA 7 nga eksklusibo nahinabi sa Bombo News Team mao kini ang labing dako nga balor sa illegal nga drugas nga ilang nasakmit ning tuiga ingon man nagpasalamaton siya sa ilang K9 dog nga si “Bayani” sa agresibong pag cooperar niini sa mga Kapulisan.
“Yung tropa natin nag conduct ng panelling inspection, so yung protocols natin sa mga ports, ito din ang ating pinagtutukan sa atin ngayon, ng mga leader group at oic natin…” -Regional Director, Alex Tablate sa Philippine Drug Enforcement Agency – Central Visayas
Gikabutyag sa PDEA 7 nga usa ka inspection og walay buy bust operation ang nahitabo na swertehan lang gyud ang PDEA og malas usab ang mga suspek.
Mag-atubangon og kaso ang mga suspek kabahin sa pagpayuhot og illegal nga drugas subay sa republic act 9165.
Dugang pa, nga dili lang sila matanggong apan walay pyansa ning kasoha nga nahimong operasyon sa PDEA 7.(With Reports of Bombo Rocky Lavarez)
