Nahuman sa makasaysayanong paagi ang snap election sa Japan taliwa sa baga nga snow.
Kini nahitabo human ang koalisyon ni Japanese Prime Minister Sanae Takaichi, ang unang babaye nga Prime Minister sa kasaysayan sa Japan, ang gitawag nga “ikaupat nga pinakadako nga ekonomiya” sa kalibutan, nakakuha og dakong kadaugan.
Ang Liberal Democratic Party (LDP) nakadaog og sobra sa 310 gikan sa 465 ka lingkuranan sa ubos nga balay balauranan sa Japan, ang unang higayon sukad sa Ikaduhang Gubat sa Kalibutan nga ang usa ka partido nakakuha og two-thirds majority vote.
Si Takaichi napili isip bag-ong PM sa Japan niadtong Oktubre 21 sa miaging tuig. Ingon man nga si Takaishi mao usab ang lider sa nagmandong LDP, apan tungod kay ang partido wala makadaog og majority sa duha ka balay balauranan, si Takaishi nagpatawag og snap election aron makakuha og direktang mandato gikan sa katawhan.
Gipahalipayan usab ni US President Donald Trump si Takaichi sa iyang kadaugan diin kung kahinumduman nga nakadawat og talagsaon nga pag-endorso si Takaichi gikan sa Presidente sa US.
Sa pagkakaron, ang Japan nag-atubang og daghang mga hagit lakip na ang paspas nga pagkatigulang sa populasyon, pagsaka sa gasto sa panginabuhi, paghuyang sa yen, ug nagkagrabe nga relasyon sa China human sa pahayag ni Takaichi nga ang Japan mahimong manghilabot sa panagbangi sa Taiwan.
