Naka-andam na ang kagamhanan sa dakbayan sa Sugbo, alang sa pagsaulog sa bag-ong tuig
Mao kini ang gibutyag ni Cebu City Mayor Nestor Archival sa pagpakighinabi sa mga sakop sa tigbalita, nga hingpit nang nakaandam ang kagamhanan sa pagsugat sa bag-ong tuig og gibutyag nga nakapreposition na usab ang mga sakop sa kapulisan aron sa pagbantay sa kaluwasan sa publiko.
Sigon usab ni Archival nga aduna usab naka-set nga designated areas kung asa gitugotan nga magpabuto ang publiko, aron malikayan ang mga kadaot og hilabina sa sunog gumikan lang niini.
Giawhag usab sa Mayor nga ang katung bout nga maggamit og pabuto, mamahimo ra nga magpabuto sa plaza independecia aron paglikay sa disgrasya bisan paman nga walay natala nga mga kaso niini, dugang usab niini nga nakig-alayon kini sa mga uniformed personnel nga unta walay maggamit sa ilang kaugalingong armas aron lang ipabuto sa pagsugat sa bag-ong tuig.
Gawas sa pag-obserbar ug pagdili sa mga pabuto, gipangandaman usab sa kagamhanan ang hinangat nga pagselibrar sa Sinulog alang sa sunod tuig, diin magdeploy kini og kapulisan matag 10 metros ang distansya aron matubag dayun ang mga emerhensiya.
Gihimug-atan usab niini nga ang pagpangandam og pagdeploy sa mga uniformed personnel sa panahon usab sa kapyestahan sa balaang bata Sr. Santo Nino, pagpangandam usab kini sa umaabot nga ipahigayong ASEAN SUMMIT diri sa Sugbo.
Sa pikas bahin usab, gibutyag ni Cebu City Councilor Dave Tumulak, nga magpahigayon ug ronda ang mga sakop sa kabomberohan sa tibouk dakbayan sa pagsugat sa bag-ong tuig aron susihon kung aduna bay motumaw nga mga emerhensiya susama sa sunog tungod sa mga pabuto.
Gihangyo usab niini ang publiko nga dili angay mo kompyansa sa pagsugat sa bag ong tuig og mahimo pasudlon ang mga bata sa panimalay aron malikayan ang mga disgrasya og kaangol.
