CEBU – Karon nga daghan kaayong gisagubang nga problema sa Pilipinas , isyu sa kakuwang sa supply sa pipila ka produkto ug mga katalagman, adunay pipila ang nanawagan nga ilisan ang klase sa gobyerno nga kasamtangang gipatuman.
Apan, sa eksklusibong pakighinabi sa Bombo Radyo Cebu kang Atty. Amando Virgil Ligutan, usa ka law professor sa UP-Cebu, giklaro nini nga wala magdepende sa unsang klase sa gobyerno , parliamentary, unicameral o bicameral man, ang kalamboan sa Pilipinas gumikan alang ni Ligutan , disiplina ang tubag sa problema sa katawhan.
Gawas niini, nakadepende usab sa level of maturity ug education sa katawhan ang pag-uswag sa nasod.
Gipasabot ni Ligutan, nga kung dili masolusyonan ang lebel sa political maturiy sa katawhan magpabilin ang problema isip usa ka nasod bisan unsa paman nga kausaban ang isugyot sa konstitusyon.
