Nangayo og katin-awan sa buhatan sa Office of the Ombudsman ang kampo ni Suspended Cebu City Mayor Michael Rama aron sa pagtubag ug paghatag sa kamatuoran nga may kalabotan sa huhungihong nga nahukman na iyang pending nga kaso sa nepotismo.
Atol sa gipahigayong press conference sa abogado ni Rama nga si Atty Joselito Thomas Baena nga miingon nga miduso sila og motion for clarification sa buhatan sa Ombudsman Central Office niadtong adlaw sa Lunes, Septiyembre 9, 2024.
Uban sa maong press conference kay ang anak sa suspendidong Mayor nga si Atty Mikel Rama ug ni Suspended Cebu City Administrator Atty Collin Rosell diin mitubag kini sa mga taho nga ang Ombudsmna nipagawas na og dili paborableng desisyon batok sa Mayor.
Gikondena ug gikuwestiyon ni Rosell ang gihimo sa opisyal, nga dili apil sa kaso, tungod sa pagpaambit sa sensitibong impormasyon bahin sa nag-ung-ong nga kaso ni Rama.
Matod ni Rosell nga bisan ang legal team ni Rama wala pa makadawat og pormal nga update kalabot sa status sa kaso.
Kahinumduman nga niadtong Enero 2023, si Rama gikiha sa usa ka Jonel Saceda, nailhan usab nga “Inday Josa Chiongbian Osmeña,” tungod sa giingong nepotism, grave misconduct, graft ug corruption human ang kanhi mi-hire sa duha ka igsuon sa iyang asawa sa Cebu City Hall.
Matod pa sa kampo ni Rama nga mi-leak ang maong impormasyon tungod sa giingong pagpatapok ni Acting Mayor Raymond Alvin Garcia sa pipila ka mga barangay officials sa kasayuran sa hukom sa nag-ung-ung nga kaso ni Rama.
Apan mipahayag nalang si Rosell nga pasagdahan nalang nila ang maong mga opsiyal kay mugawas ra gihapon ang kinsa ang ilang gidapigan.
