Gikumpirmar ni Atty. Michael Poa, ang tigpamaba sa kampo ni Bise Presidente Sara Duterte alang sa impeachment, nga anaa sa Pilipinas lamang ang ikaduhang presidente.
Sukwahi kini sa mga espikulasyon anaa sa gawas sa nasod ang bise presidente, partikular na sa Kuwait.
Matod ni Poa, nakighinabi siya sa opisyal kagabii aron mahatagan ug updates ang kalambuan sa impeachment nga gi-archive sa senado.
Nagdumili hinuon sa pagpaambit ang abogado sa bisan unsang ubang impormasyon bahin sa kalihokan sa bise presidente ilabi na nga dili na siya direktang kabahin sa OVP.
Kahinumduman nga niabot sa nasud ang Bise Presidente niadtong Hulyo 28 gikan sa iyang biyahe paingon sa South Korea.
Gikan sa Hulyo 29 hangtod 31, ang Bise Presidente mibiyahe sa Marinduque aron sa pag-apod-apod sa mga relief goods sa mga naapektuhan sa bagyo ug habagat. |Bombo Nathaniel Sandoval
