CEBU CITY-Gawasnon na ang kanhi Cebu City Administrator nga si Atty. Collin Rosell human nakapyansa sa korte sa kantidad nga P33,000.00 alang na sa iyang duha ka kasong giatubang nga ‘Usurpation of Authority’ ug ‘Resistance and Disobedience to Agents of Persons in Authority’./
Gidakop si Atty. Rosell kagabii human nga mipugos og balik sa Cebu City Hall aron subling mutrabaho isip City Administrator og mipirma pa og memorandum ubos sa iyang buhatan.
Sa eksklusibong pakighinabi sa Bombo Newsteam kang Cebu City Police Office (CCPO) City Director Police Colonel Antonietto Cañete nga matod pa niya nga mag depende nalang sa ni pasaka og reklamo kung mag-atubang pa ba gihapon ang maong abogado sa korte niining maong kaso nga gipasaka batok kaniya.
Kahinumduman nga mitumaw ang tensyonadong eksena sa Cebu City Hall niadtong adlawng Biyernes, Nobyembre 8 human misulod so Rosell og mimando nga mubalik siya isip City Administrator sa dakbayan nga nakalapas sa lagda sa balaod human nahulipan na kini.
