Gidakop sa mga awtoridad sa Estados Unidos ang labing menos 100 ka mga imigrante human sa pag-atake sa usa ka ilegal nightclub sa Colorado Springs, Colorado.
Sa usa ka video nga mikaylap online gikan sa usa ka post sa Drug Enforcement Administration, daghang mga tawo ang makita nga miikyas sa building pinaagi sa entrance ug bintana.
Una nang gimando ni US President Donald Trump ang pagpatuman sa mga polisiya sa imigrasyon, particular na ang pagdakop sa mga ilegal nga imigrante sa ilang nasud.
Samtang, anaa na sa kustodiya sa U.S. Immigration and Customs Enforcement ang mga nadakpan ug nag-imbestigar sa mga imigrante.
Sa wala pa ang operasyon, nagpahigayon una ang mga awtoridad og intelligence gathering human sa mga taho sa pagpayuhot og droga, prostitusyon, ug bangis nga krimen sa lugar.
Atol sa operasyon, nadiskubrehan sa mga awtoridad ang mga droga sa salog ug wala matinong gidaghanon sa mga armas.
