Natangtang sa serbisyo ang kapin sa 1,300 ka mga pulis tungod sa nagkalain-laing mga kaso.
Sumala sa Philippine National Police (PNP), kini ang resulta sa ilang kampanya sa paglimpyo sa ilang han-ay sa mga miyembro nga nakahimo og mga krimen ug nagkalain-laing mga kalapasan.
Sumala sa PNP, liboan ka mga kaso sa administratibo ang nasulbad usab gikan Agosto 26, 2025 hangtod Hulyo 15, 2026.
Kapin sa 2,000 ka mga pulis ang nasuspinde usab, samtang 237 ang na-demote, samtang ang uban gipahamtangan og forfeiture of salary ug opisyal nga reprimand.
Sa kinatibuk-an, moabot sa 4,534 ka mga pulis ang gipahamtangan og administratibong silot human masulbad ang 3,903 ka mga kaso sa administratibo.
Gipasalig usab sa pulisya ang padayon nga pagbantay sa kaugalingon nga mga miyembro aron masiguro nga ang tibuok han-ay sa PNP malimpyohan sa bisan unsang klase sa korapsyon nga mahimong nahimo sa mga miyembro niini.
