Gidagit sa mga armadong grupo ang kapin sa 50 ka mga tawo sa Sabon Garin Damri, sa Zamfara state, Nigeria.
Kini sumala sa usa ka pribadong taho sa United Nations nga nakuha sa Agence France-Presse.
Diin ang maong lugar gikatahong gitarget sa gitawag og “armed bandits” niadtong Biyernes.
Ingon man nga kini ang labing una nga dagkong insidente sa pagdagit sa lokal nga gobyerno sa Bakura karong tuiga.
Sa pagkakaron, walay pay komento ang kapulisan sa Zamfara sa maong insidente.
Ang krisis sa “banditry” sa Nigeria nahibal-an nga nagsugod sa taliwala sa mga mag-uuma ug mga magbalantay sa mga panaglalis sa yuta ug tubig, apan miuswag ngadto sa organisadong krimen.
Pinaagi sa pagkidnap kay makakwarta ang grupo sa pagkidnap alang sa lukat, ug pagkolekta og “mga buhis” gikan sa mga mag-uuma ug mga minero.
Sa miaging bulan, ang mga armadong grupo nagpatay sa labing menos 33 ka mga tawo nga ilang gikidnap, lakip ang tulo ka mga masuso, kaniadtong Pebrero, bisan pa sa pagdawat sa usa ka lukat nga $33,700.
Sukad sa 2011, ang rehiyon sa Sahel gihampak sa armadong panagbangi ug kagubot, nga naghatag gahum sa mga gang sa mga bahin sa Nigeria.
Ang kanihit sa pagkaon nagkagrabe usab tungod kay ang mga tawo napugos sa pagbiya sa ilang mga umahan tungod sa kapintasan.
Bag-o lang gipatay sa militar ang labing menos 95 ka miyembro sa usa ka armadong grupo sa estado sa Niger. Apan ang mga pwersa sa gobyerno nagpabilin nga sobra nga kaabtik, ug daghang mga airstrike ang gikataho nga miresulta sa pagkamatay sa mga sibilyan.
Ang sitwasyon gipasamot pa sa pagtumaw sa jihadist group nga Lakurawa sa rehiyon, nga gikataho nga nakig-uban sa mga pwersa sa mga bandido.
Ingon usa ka sangputanan, ang mga gobyerno sa mga apektadong estado napugos sa pagrekrut sa mga militia nga anti-jihadist aron matabangan ang pakigbatok sa mga bandido.
